Саха быһаҕа-уус көрүүтэ
Бэстибээлбит тохсус күнэ. От ыйын 14 күнүгэр модельнай библиотекаҕа сахалыы быһах оҥорооччуларын уустардарын ананар «Саха быһаҕа-уус көрүүтэ» тэрээһин буолан ааста, ыытта Ефремова Айталина Семеновна.
Өбүгэ саҕаттан сахалар тимиринэн уһаараллара биллэрэ. Ол курдук нэһилиэк олохтоохторо саха дьонун үгэһинэн сылгыны-сүөһүнү иитэллэрин таһынан өрдөөҕүттэн тимири уһаарыынан, тимиртэн туттан тэриллэри оҥоруунан дьарыктаналлар эбит. Тимири уһаарыынан ордук Буотама үрэҕин тимир уустара дьарыгыраллара.
1732-1744 сс. Тамма үрэҕин төрдүгэр нууччалар үлэлэппит тимири уһаарар собуоттарын тимирин Буотама үрэҕин тааһыттан тиэйэн туһаммыттара биллэр.
Хачыкаат тимир уустара оҥорбут тимир тэриллэрин эккэ, арыыга, бурдукка нэһилиэк олохтоохторугар эргитэллэрэ. Ол курдук 1773 сыл Буотама руднигар 750 буут тимир уһаарыллыбытынан архыып докумуоннарга суруллубут. Кэлиҥҥи көлүөнэ Буотама тимир уустарынан Харлампьевтар, Ефимовтар, Киприяновтар, Прокопьевтар этилэр.
Тэрээһин ыалдьыттара Хаҥалас улууһун тимир уустара: Данилов Александр Дмитриевич Хаҥалас у. Дьөппөн нэһилиэгэ уонна уола Данилов Арчыл Александрович, Никифоров Илья Адамович Хатасс, Иванов Илья Васильевич, Соловьев Олег Иннокеньтевич уолунаан Соловьев Игорь Олегович, Артамонов Борис Дмитриевич Кыһыл Үрүйэ. Быһах маастардар санаа атастастылар.
Ефремова Айталина, тиэкис ааптара.
