«Төрөөбүт дойдубут Кыһыл Үрүйэ»
От ыйын 1 күнүгэр Кыһыл Үрүйэ сэлиэнньэтигэр ыһыахтыыр сиргэ «Төрөөбүт дойдубут Кыһыл Үрүйэ» кинигэ киэҥ эйгэҕэ тахсыбытын бэлиэтиир олус үөрүүлээх тэрээһин презентация буолан ааста.
Күммүт да анаммыт курдук туран биэрдэ.
Түөлбэлээн олорор тапталлаах Кыһыл -Үрүйэбит дириҥ ис хоһоонноох историятын, үлэлээн- хамсаан ааспыт дьонун — сэргэтин үтүө ааттарын үйэтитэн буруолуу сылдьар кинигэбит эдэр көлүөнэбитигэр, ыччаппытыгар,Кыһыл Үрүйэттэн төрдүлээх дьоммутугар төрөөбүт дойдуларын историятын умнубаттарын туһугар үйэ -саас тухары сыаната биллибэт элбэҕи үөрэтэр- сырдатар өйдөбүнньүк буолла.
Кыһыл Үрүйэттэн төрүттээх Саха сирин маҥнайгы идэтийбит скульптора Семен Афанасьевич Егоров аймахтара, балта Валентина Афанасьевна уонна балтыларын кыргыттара олус дириҥ ис хоһоонноох эҕэрдэ эттилэр.
Автоледи, эдэр эрдэҕиттэн Аан дойдуну тэлэһийэ сүүрдэн Саха норуотун аатырдыбыт,Уус-Алдан улууһун бочуоттаах олохтооҕо Вера Михайловна Татаринова эдьиийдэрэ Калиста Пахомова суруйбут Кыһыл Үрүйэ ырыатын ыллаабыт ансамбл далбар хотуттарыгар олус долгуйан, үөрэн туран үтүө бэлэх уунна.Кыһыл Үрүйэттэн төрүттээх доруобуйа харыстабылын бочуоттаах үлэһитэ Павел Николаевич Ермолаев, «Гражданская доблеск» знак хаһаайката, «Удьуор ситимэ» кинигэ автора, Москва куорат олохтооҕо Татьяна Петровна Кырбасова, Саха Өрөспүүбүлүкэтин үөрэҕириитин туйгуна Калиста Дмитриевна Прокопьева, Елена Афанасьевна Кузмина,Кыһыл Үрүйэ күтүөтэ, хас да кинигэ ааптара, «Хаҥалас» хаһыат общественнай кэрэспэндьиэнэ,Арассыыйа суруналыыстарын Сойууһун чилиэнэ Ермолай Еремеевич Скрябин, Тыа хаһаайыстыбатыгар Государственнай бириэмийэ лауреата,Тыа хаһаайыстыбатын бочуоттаах бэтэрээнэ, үлэ бэтэрээнэ Хатас олохтооҕо Раиса Ивановна Олесова, «Коммунистическай үлэ туйгуна», «Молодой гвардеец пятилетки». знак хаһаайката, Дьокуускай куорат олохтооҕо Нина Сергеевна Бравина уонна олохтоохтор бары төрөөбүт дойдуларын Кыһыл Үрүйэни олус таптыылларын, бары үтүөнү- сырдыгы баҕаран, саҥа сүүрээннээх үлэ үксүү туралларыгар, төрөөбүт дойдубут сайда -үүнэ, чэчирии турарыгар баҕа санааларын тиэртилэр.
