Саха Өрөспүүбүлүкэтин ситэриилээх былааһын отчуота
Хачыкаат нэһилиэгэр “Сарыал” КК 12 чаастан Саха Өрөспүүбүлүкэтин ситэриилээх былааһын отчуота буолла. Күнүс эбиэт кэмэ, уот суох диэбэккэ нэһилиэнньэ лыык курдук муһунна. Бу отчуоттуур биригээдэни Саха Өрөспүүбүлүкэтин кылаабынай архитектора Любовь Папок салайан сырытта, кинини кытта правительстваттан сүрүн специалистар уонна улуустан Хаҥалас улууһун аҕа баһылыга Сергей Геннадьевич Гребнев, эппиэттээх улуус специалистара сылдьыстылар.
Отчуот кэнниттэн элбэх ыйытыылар киирдилэр нэһилиэк өр кэмҥэ көтөҕөр боппуруоһа: балыыһа базатын тупсарыы өттүгэр саҥа врачебнай амбулатория тутуута 2026 саҕаланарын үөрэ иһиттилэр. Нэһилиэк баһылыгар И.В. Оболкинаҕа Бочуотунай грамота, сцена бэтэрээнигэр Л.С. Максимоваҕа культуура миниистэриттэн Бочуотунай грамота дьон сэргэ ортотугар үөрүүлээх быһыыга майгыга туттардылар.
Нэһилиэнньэ сүрүн боппуруостара спорт саала тутуута, музыкальнай оскуола туттарыыта, газ кэлэрин боппуруоһа, уот, заправка, социальнай контракт курдук тыын ыйытыылары правительства иниигэр туруорда. Отчуоттуур биригээдэ бэлиэҕэ ылла, кэлэн сыллаах отчуотка туох миэрэ ылыллыбытын истиэхпит диэн тарҕастылар.
