«САДОБАУК — 2026»
Тохсунньу 5 күнүгэр 2026 с. «Сарыал» култуура киинигэр аһаҕас улуустааҕы интелектуальнай оонньууларга РФ үтүөлээх механизатора, Хачыкаат нэһилиэгин, Хаҥалас улууһун, Орто Халыма улууһун Хатыҥнаах нэһилиэгин бочуоттаах олохтооҕо, СХПК Хачыкаат Бырабылыанньатын бэрэсэдээтэлэ Роман Михайлович Куприянов бирииһигэр «САДОБАУК» буолан ааста.
Күрэххэ кыттыыны ыллылар 47 киһи олор истэлигэр Гроссмейстер Токусаров Иван Августович, спорт мастардара дуобакка Аргунов Савва Петрович, Сыромятников Дмитрий Васильевич уонна элбэх спорт мастарыгар кандидаттар. Күрэхтэһии таһыма үрдээн-кэҥээн Хаҥалас улууһун нэһилиэктэриттэн, ыаллыы сытар Мэҥэ Хаҥалас уонна Үөһээ Дьааҥы, Уус Алдан, Таатта, Муома, Мирнэй улуустартан уонна Дьокуускай куорат кыттыыны ыла кэлэ сырыттылар.
Күрэххпит сарсыардаттан киэһээ хойукка дылы буолла. Күрэх түмүгүнэн Хачыккаат нэһилиэгиттэн миэстэҕэ тигистилэр: Афанасьев Исай Семенович саахымакка 1 миэстэ; Платонов Ариан Русланович баарыска 2 миэстэ; Терентьев Владимир Романович дуобакка 3 миэстэ; Герасимов Александр Александрович уксааҥҥа 3 миэстэ.
Кыайылаахтарга өссө да ситиһиилэри кыайыылары баҕарабыт! Бары күрэх кыттыылаахтарыгар өссө даҕаны сылын аайы көрсө туруохха, чөл олох оонньууларын тарҕата туруоххайын!
