«Победа. Честь. Память!»
Хайыр таас хайалаах
Халын күөх харыйалаах
Дьэрэкээн сибэкки оһуордаах
Сырдык ыраас сүүрүктээх
Бултаах Буотама үрүктээх
Мунду собо кэһиилээх
Быйаннаах Былдьаана, Эбэ күөллэрдээх
Ууллубат халыҥ муустардаах
Аатырар Булуус сыккыстаах
Уран уус дууһалаах,
Хорсун хоһуун дьоннордоох
Биһиги дойдубут — Хачыкаат!
Муус устар 10 күнүгэр «Сарыал» култуура киинигэр Улуу Кыайыы 80 сылыгар аналлаах «Кыайыы. Бочуот. Өйдөбүл!» нэһилиэктэр икки ардыларыгар ыытыллар фестиваль кэнсиэрэ буолан ааста.
Хачыкаат нэһилиэгин сайдыытыгар бэйэтин тус олоҕун анаабыт нэһилиэк ытыктыыр, тумус туттар киһитэ, Үлэ, Сталин колхоз-миллионер бэрэсэдээтэлэ Данил Васильевич Киприянов туһунан «Самныбатах эр санаа» нэһилиэк олохтоохторо толорон театрализованнай дьүһүйүү көрдөрдүлэр, кыттыыны ыллылар: Дикторскай саҥа — Владимир Аммосов; Любовь Даниловна Киприянова оруолугар Данил Васильевич сиэнэ — Анастасия Федорова; Данил Васильевич — Исай Афанасьев; Егор Егорович Кардашевскай — Игорь Лазарев; Биригэдьиир — Айаал Николаев; Лебедев боломуочунай — Валерий Семенов; Колхуос суотчута — Мичил Бобровский; Партячейка салайааччыта — Айтал Тимофеев; Сэриигэ барар буойуттар — Сергей Сергеев, Игорь Филиппов; Үлэһит дьоннор — Гаврил Иванов, Александр Павлов; Учуутал — Аграфена Тихонова; Оҕолор — Дамир Федоров, Айдын Танасов, Влада Павлова; Үлэһит дьахталлар — Валентина Васильева, Елена Ефимова, Евдокия Ермолаева; Ыанньыксыт кыргыттар — Мария Тихонова, Евдокия Сергеева, Валерия Давыдова; Тойугу толордо — Нюргуяна Владимирова. Кыттыыны ылбыккытыгар махтанан туран эһиэхэ барыгытыгар үөрэххитигэр, үлэҕитигэр ситиһиини, тус олоххутугар дьолу-соргуну, бары учугэйи баҕарабыт!
Кыра тохтобул кэнниттэн нэһилиэк уус-уран самодеятельнаһын кэнсиэрэ буолла, бэлэмнээтилэр «Сарыал» КК үлэһиттэрэ, Хачыкааттааҕы музыкальнай оскуола преподователлэрэ. Кэнсиэркэ нэһилиэк хора икки ырыаны толордо “Турунуҥ эйэни көмүскүү” уонна “Эйэ – дьол иһин”. Ситиһиилээхтик кыттыыны ыллылар вокальнай, фольклорнай уонна танцевальнай коллективтар, Хачыкааттааҕы орто оскуола үөрэнээччилэрэ.
Фестивальы сыаналаатылар: Гаврильева Мотрена Егоровна — «Арчы» норуот айымньытын киинин уус уран салайааччыта; Ноева Ульяна Михайловна — Покровскайдааҕы культура управлениятын специалиһа; Степанова Надежда Вальеревна — Покровскайдааҕы культура управлениятын специалиһа; Егоров Андриан Васильевич — Покровскайдааҕы «Саргы түһүлгэтэ» культуура киинин специалиһа; Надежда Михайловна Николаева — Покровскайдааҕы «Саргы түһүлгэтэ» культуура киинин методиһа; Широких Роман Александрович — Покровскайдааҕы культура управлениятын специалиһа.
Бу фестиваль ыытыллыытыгар бэйэлэрин кылааттарын киллэрбит күндү олохтоохторбутугар бары кыттааччыларбытыгар барҕа махтал тылларын этэбит уонна куруутун бу курдук бииргэ сомоҕолоһуулаах буолуоххайын!
