Ороһоспоннан 2026!
Тохсунньулуур ый тоһуттар тымныылаах,
хабыр дьыбардаах, чысхаан, тибии тыаллаах,
кырпай хаар саҕынньахтаах, мөһүүрэ хаар киэргэллээх
ыйбыт салаллан кэлбитинэн!
Тохсунньу 7 күнүгэр «Сарыал» култуура киинигэр Ороһооспотооҕу эҕэрдэ кэнсиэр, сүүйүүлээх оонньуу буолан ааста.
Сылын аайы буоларын курдук нэһилиэк олохтоохторо баҕа өттүнэн туруорбут өҥөлөрө ону таһынан араас хаһаайыстыбаҕа туттуллар маллар, тэриллэр оонньоннулар. Элбэх көрөөччү илии тутуурдаах, өттүк харалаах, үөрэн көтөн тарҕастылар!
Бары кыайыылаахтарга уруй-айхал буолуохтун! Онтон сүүйбэтэх дьоммутугар санааҕытын түһэрбэккитигэр, өссө да эһиэхэ сулустаах чааскыт тосхойуо диэн баҕа санаабытын этэбит! Махтал буоллун нэһилиэкпит урбаанньыттарыгар, бэйэлэрин баҕа өттүнэн араас-өҥөнү туруорбут дьоммутугар!
