Кыайыыны түстүүр Оһуокай дьоро күнэ!
Муус устар 13 күнүгэр Дьокуускай куоракка, Арчы дьиэтигэр Оһуокай өрөспүүбүлүкэтээҕи түмсүүтүн тэрийиитинэн, Хаҥалас Кыайыы Оһуохайын дьоро күнэ буолан ааста.
Биһиги нэһилиэкпититтэн кыттыыны ыллылар Хачыкаат оһуохайын толорооччу, СӨ үөрэҕириитин туйгуна, Хаҥалас улууһун норуот уус уран айымньыта, тыла-өһө сайдарыгар кылаатын иһин үрүҥ көмүс мэтээл хаһаайына Людмила Максимова, «Сарыал» үҥкүү ансаамбыла.
Тэрээһин Айыыһыт ыйыгар аналлаах алгыстаах, Хаҥалас оһуохайдьыттарын түһүлгэлээх, ырыалаах-тойуктаах, Хаҥалас улууһун «Уран» түмсүү уус-уран оҥоһуктарын маастардарын атыы-эргиэн быыстапкалаах, «Бөртө» сылгы собуотун атыы-эргиэн дьаарбанкалаах буолан ааста.
