Герасимов Гавриил Михайлович 90 сааһыгар анаммыт аһаҕас конференция.
Ахсынньы 13 күнүгэр “Сарыал” култуура киинигэр Хаҥалас улууһун уонна Хачыкаат нэһилиэгин бочуоттаах олохтооҕо, РСФСР үөрэҕириитин туйгуна, Россия Суруналыыстарын сойууһун чилиэнэ, Гражданскай килбиэн бэлиэ хаһаайына Гавриил Михайлович Герасимов 90 сааһыгар аналлаах аһаҕас конференция буолан ааста.
Хас биирдии киһиэхэ үөскээбит-улааппыт түөлбэтэ, үөрэммит-уһуйуллубут биһигэ сырдыкка, кэрэҕэ уһуйар учуутал дьоннорун кытта сибээстээх. Үөскээбит, уһуйуллубут тѳрүт сирбитигэр Хачыкаакка — «Сир түннүгэ” диэн ааттааммыт, үгүс уларыйыы-тэлэрийии кэмигэр үтүө тылларынан дьонун-сэргэтин туһунан сурукка тиспит, бүтүн улууска, Республикаҕа нэһилиэк, улуус, республика олоҕун сырдаппыт киһибит “Гавриил Михайлович Герасимов — учуутал, общественнай корреспондент, краевед”.
Конференция тэрийээччилэринэн буоллулар: Хачыкаат нэһилиэгин дьаһалтата, С.П.Барашков аатынан Хачыкаат орто оскуолата, Хаҥалас улууһун култуура уонна духобунай сайдыытын салалтата, Хаҥалас улууһун үөрэхтээһинин салалтата, “Хаҥалас” хаһыат редакцията, Хаҥалас улууһун муниципальнай архыыба, Хаҥалас улууһун Гавриил Васильевич Ксенофонтов аатынан краеведческай музейа, Хаҥалас улууһун кииннэммит библиотеката.
Конференция историческай, краеведческай хайысхаҕа ыытылынна. Сыала-соруга: Гавриил Герасимов нэһилиэстибэтин, улуус историятыгар уонна краеведческай историятыгар оруолун тарҕатыы.
Тэрээһини э5эрдэ тылынан арыйда Хачыкаат нэһилиэгин дьаhалтатын баһылыга Ирина Викторовна Оболкина.
С.П.Барашков аатынан Хачыкааттааҕы орто оскуола үөрэнээччилэрин толорууларыгар А.Е.Кулаковскай “”Оттоку олук алгыhа” айымньытыттан быhа тардыыны аахтылар, салайааччы СР үѳрэҕириитин туйгуна Маргарита Васильевна Иванова.
Гавриил Михайлович 1935 сыллаахха атырдьах ыйын 4 күнүгэр Хачыкаат нэhилиэгэр Кыhыл Yрүйэ сиригэр тѳрѳѳбүтэ. Cэрии ыарахан кэмигэр 1943 сыллаахха Хачыкаакка С.П.Барашков олоҕор турар оскуолаҕа үѳрэнэ киирбитэ. 1958 сыллаахха Дьокуускайдааҕы музыкальнай-художественнай училищены бүтэриэҕиттэн Өлүөхүмэ, Орто Халыма, Ньурба улуустарын оскуолаларыгар бастаан черчение, уруһуй, онтон 1971 сыллаахха Саха Государственнай Университет Саха тылын салаатын кэтэхтэн үөрэнэн бүтэриэҕиттэн саха тылын уонна литературатын учууталынан үлэлээбитэ. Сүрүн үлэтин таһынан, ордук 1970-с сыллартан улуус, республика хаһыаттарыгар, сурунаалларыгар балайда элбэх корреспонденциялары, ыстатыйалары бэчээттэппитэ. Кини нэһилиэгин, улууһун историятын, биллиилээх дьоннорун тустарынан угустук суруйара.
Гавриил Михайлович биир дойдулааҕа, предприниматель, меценат С.П. Барашков аатын тилиннэриигэ ураты үтүөлээх. Өр сылларга сыралаһан хомуйбут, чөкөппүт матырыйаалларыгар олоҕуран хас да тэттик кинигэлэри бэчээттэппитэ билигин ордук суолталанна. Yүнэр ыччаттарга нэhилиэкпит, улууспут историятын билиhиннэрэргэ улахан суолталаах үлэлэр буолаллар.
Э5эрдэ тылы эттилэр: Хаҥалас улууһун култуура уонна духобунай сайдыы салалтатын салайааччыта Фекла Романовна Варламова, общественнай корреспондент, Ермолай Еремеевич Скрябин, саха норуодунай суруйааччыта, Гавриил Михайлович ер сылларга алтыспыт киhитэ Павел Николаевич Харитонов – Ойуку.
Гавриил Михайлович 1968 сыллаахха Ньурбаттан теруттээх Марфа Марковна Григорьеваны кѳрсѳн, ыал буолбуттара, ийэ-аҕа дэтэр кыыстаах уол оҕоломуттара.
Тыл бэриллиннэ Гавриил Михайлович оҕолоругар Михаил Гаврильевичка, Саргылана Валерьевнаҕа, Гавриил Михайлович быраатыгар Кыһыл Үрүйэ олохтооҕор Владимир Мартынович Герасимовка.
Конференциябыт 3 хайысханан улэлээтэ.
- 1 бөлөх 4-7 кылаас үөрэнээччилэрэ.
- 2 бөлөх 8-11 кылаас оҕолоро.
- 3 бөлөх улахан дьоннор.
Аһаҕас конференцияҕа үлэлээтилэр:
- 1 бөлөххө: модератор — Иванова Маргарита Васильевна, экспертэр – Иванова Ньургустана Иннокентьевна, Филиппова Елена Николаевна.
- 2 бөлөххө: модератор – Ефремова Айталина Семеновна, экспертэр – Андреева Вера Васильевна, Скрябина Капиталина Гаврильевна, Соловьева Ольга Васильевна.
- 3 бөлөххө: модератор – Киприянова Юлия Юрьевна, экспертэр – Герасимова Зинаида Мартыновна, Варламова Фекла Романовна.
Конференциябыт кылаабынай экспертэ Хаҥалас улууһун краеведа Скрябина Капиталина Гаврильевна.
Үлэлэр хайысхалара: История улуса; Генеалогические исследования; Знатные люди Хангаласского улуса; Наследие Гавриила Михайловича Герасимова; Неизвестные факты по публикациям Гавриила Михайловича Герасимова; Топонимика; Долголетие.
Учууталбыт Гавриил Михайлович Герасимов 2011 сыллаахха суруйан таһаарбыт «Сэмэн Барааскап» кинигэтиттэн 7 оонньуулаах драматтан быһа тардан «Ыра санаа суолунан» пьесаны ыалдьыттарга, олохтоохторго көрдөрдүлэр . Үгүс эҕэрдэлэр, ахтыылар уонна Г.М. Герасимов бэйэтин кэмигэр уһуллубут видеолара, интервьюлара телевизор нөҥүө көстө билиһиннэрэ турдулар тэрийээччилэр.
