«Чөмчүүк саас — 2025»
Сэтинньи 20 күнүгэр Сарыал култуура киинигэр — Аан Дойдуга Оҕо күнүгэр аналлаах Самыртай сыһыытын оҕолорун икки ардыларынааҕы аһаҕас «Чөмчүүк саас» ырыа, үҥкүү, фольклор уонна инструментальнай күрэх буолан ааста.
Күрэх сыала — соруга: саҥа тахсан эрэр талааннары көрдөөһүн, ырыа, үҥкүү нөҥүө ийэ дойдуга тапталы иҥэрии, тахсан эрэр талааннарга көмөлөһүү буолар. Күрэхпитигэр оскуола иннинээҕи уонна алын кылаас оҕолоро кыттыыны ыллылар. Күрэхпит икки туурунан ыытыллынна. Бастакы туурбут Арассыыйаҕа Аҕа дойдуну көмүскээччилэр, Саха Республикатыгар Ийэ дойдуну көмүскээччилэр уонна Улуу Кыайыы 80 сылыгар ананна. Иккис туурбут көҥүл теманан барда.
Күрэҕи сыаналаатылар:
- Хачыкаат нэһилиэгин тыа сирин поселениятын специалиһа — Орестова Валентина Филипповна;
- Хачыкааттааҕы оҕо искусствотын фольклор салаатын преподователя — Ефремова Анисия Ивановна;
- Күөрдэм нэһилиэгин «Ситим» култуура киинин методиһа, СӨ культуратын туйгуна — Скрябина Майя Николаевна;
- Тит-Эбэ нэһилиэгин «Сарыал» култуура киинин уус-уран салайааччыта — Борисова Любовь Владимировна;
- Хачыкааттааҕы «Сарыал» култуура киинин дириэктэрэ — СӨ култууратын туйгуна Игнатьева Галина Гаврильевна.
Күрэхпит түмүгүнэн: Гран При хаһаайына буоллулар — С П Барашков аатынан Хачыкаат орто оскуолатын 4 класс кыргыттарын ансаамбыла, салайааччы — Платонова Руслана Руслановна, Дойдукова Наталья Борисовна.
Лауреаттар Лауреаттара — ансамбль «Чугдаарыйар чуорааннар» «2 Жемконская СОШ» 3 класс, салайааччы Свинобоева Майя Егоровна, Егорова Ольга Петровна.
Саамай кыра кыттааччы — Сергеева Айлаана, Афанасьева Мария Владимировна, Слободинюк Анна Сергеевна.
Көрөөччү биһирэбилэ — Тихонов Гоша, салайааччы Герасимов Вячеслав Александрович.
Сыл арыйыыта — Генерова Наташа, салайааччы Скрябина Юлиана Семеновна.
Бастыҥ салайааччы — Платонова Руслана Руслановна.
Самыртайбыт хочотун кэнэҕэски ыччата кэрэ эйгэҕэ уһуйуллан, өбүгэлэрбит үтүө үгэстэрин үйэтитэр, чөл олохтоох, бигэ туруктаах буола үүнэнэ — силигилээн, нэһилиэктэрбит инники кэскиллэрэ сайдарын туһугар туруулаһар дьон буолуохтара диэн бигэ эрэллээх күммүт түмүктэннэ.
