Аан дойдуга кырдьаҕастар күннэрэ
Алтынньы бастакы күнэ, Аан дойдуга кырдьаҕастар күннэрэ.
Бу күн ытыктыыр, убаастыыр дьоммутугар анаан “Сарыал” КК бырааһынньыктааҕы тэрээһин ыытта. Аҕам саастаах дьоммутун эҕэрдэлээтилэр Хачыкааттааҕы музыкальнай оскуола норуодунай салаатын үөрэнээччилэрэ “Аккорд” ансаамбыл (сал.Е.М.Галимон), ону тэҥэ эҕэрдэ ырыаларын бэлэхтээтилэр Арчылаана Олесова, Оксана Федорова (сал.Р.Р.Платонова) уонна Виолетта Данилова. Модельнай библиотека салайааччыта Айталина Семеновна араас толкуй оонньуутун ыытта. Аҕам саастаахтарбытыгар анаан клууп үлэһиттэрэ дартс уонна кэлин кэмҥэ кэрэхсэбили ылбыт “корнхол” оонньууга күрэх ыыттылар. Бу күрэх түмүгүнэн кыайыылаахтарга сэмэй бэлэх уонна диплом туттардылар.
Баҕарыа этибит күндү дьоннорбутугар мэлдьи бу курдук эрчимнээхтик, көхтөөктүк үөрэ – көтө сылдьаргытыгар, дьиэҕитигэр уоккутугар сылаас, сымнаҕас сыһыаны, өссө да элбэх минньигэс сиэннэри, хос сиэннэри, тиит мас курдук чиргэл доруобуйаны, нус – хас дьоллоох, дьоһуннаах олоҕу!
