Аҕам саастаах дьоҥҥо анаан Саҥа Дьыллааҕы корпоратив
Тохсунньу 13 күнүгэр 15:00 чаастан «Сарыал» култуура киинигэр Хачыкаат нэһилиэгин өр сыллаах үлэ кэннэ сынньалаҥҥа олорор дьоннорбутугар анаан Саҥа Дьыллааҕы корпоратив буолан ааста. Саҥа Дьыл бука барыбытыгар саамай дьикти, кэрэ, күүтүүлээх бырааһынньык. Саҥа Дьыл барыбыт саныыр-санаатын, инникитин ырытан көрөр күммүт буолар. Саҥа Дьы бу дьол бырааһынньыга, ааспыты санатар, үчүгэйи ырыҥалыыр кэрэ түгэн буолар.
Эҕэрдэ тылынан саҕалаата «Сарыал» КК хаһаайката Галина Гаврильевна Игнатьева.
Убаастабыллаах Хачыкааппыт пенсионердара кэлбит саҥа сылы көрсөн үчүгэйи түстээн, эдэр саастарын санаан оонньоон-көрүлээн, үҥкүүлээн, сэргэхсийэн, сынньанан бардылар.
Саҥа күн кэриэтэ
биир сылбыт көтөн ааста
Ол аата биһиэхэ
Үөрүүлээх күммүт үүннэ
Саҥа дьылга үөрүүбүтүн
Чугас дьоннуун үллэстиэххэ
Саҥа дьылга сырдык дьолу бары эрэнэ күүтүөххэ!
