Аҕа дойдуну көмүскээччи күннэрин көрсө «Хоһууттар хорсуннара»
Айыллаан үөскээбит
Аҕа дойдубутун
Араас кэмнэргэ
Араҥаччылаан кэлбит
Аастыйбыт эһээлэргэ,
Аҕа — убай дьоннорго,
Аныгы эдэр саллааттарга
Аҕа дойдуну
Араҥаччылааччы күнүнэн
Алгыстаах эҕэрдэ буолуохтун!
Олунньу 23 күнүгэр үөрүүлээх күҥҥэ Аҕа дойдуну көмүскээччи күннэрин көрсө «Сарыал» култуура киинигэр «Хоһууттар хорсуннара» нэһилиэкпит эркин курдук эрэнэр эрэллээх эр бэртэригэр эҕэрдэлээн туран аныгы боотурдар күрэс былдьаһыылара буолан ааста.
Уол оҕо барахсан...
Ураанхай саха буолан сылдьарын
Усталаах туоратыгар
Буулаҕа мас курдук мускулларга,
Үөл талах курдук эриллэргэ
Хатан анньыы курдук мүккүллэргэ аналлаах бастакы түһүмэҕинэн сиртэн анньыныыннан саҕаланна. Иккиһинэн өбүгэ оонньуута "Ойбонтон уулааһын", үһүс бултааһыҥҥа анаммыт: сыал ытыы, төрдүһүнэн ыйытыктарга хоруйуу, бэһис түһүмэхпит - байыаннай: күрэх кыттааччылар бириэмэҕэ АК автомат сааны ыһан баран хомуйбуттара, алтыс - Корнхол уонна сэттиһинэн кэрэ аҥардар туттар малларын таайыы.
Аҕа дойдуну көмүскээччилэр күннэрин көрсө «Хоһууттар хорсуннара» күөн-күрэс сыаналыыр бөлөх түмүгүнэн кыайыылааҕынан таҕыста Федоров Павел Иванович. Эҕэрдэлиибит кыайыылааҕы уонна кыттааччылары килбиэннээх кыайыыгыт кэнчээри ыччака, кэнэҕэски удьуорга үйэлэр тухары кэпсээҥҥэ киирдин, ытыктана турдун!
